Mercedes AMG GT3-ները զբաղեցրել են ամբողջ պատվո հարթակը Asian Lemans-ի առաջին փուլի մրցավազքում

Շաբաթ օրը՝ դիմացկունության մրցարշավների Asian Lemans Series – AsLMS առաջնության առաջին փուլում, RAVENOL-ի տեխնոլոգիական գործընկեր Mercedes ավտոմեքենաներով հանդես եկող թիմերն ամբողջությամբ զբաղեցրել են GT3 կատեգորիայի ողջ պատվո հարթակը։

Ֆրանսիական Պոլ Ռիկար ավտոդրոմում կայացած չորսժամյա մրցավազքն անցել է անձրևային պայմաններում և լի է եղել դրամատիկ իրադարձություններով՝ մեկնարկից մինչև եզրագիծ։
GT3 կատեգորիայում հաղթանակը բաժին է հասել Qatar Iron Lynx Mercedes-AMG թիմին՝ Mercedes AMG GT3 Evo #62 ավտոմեքենայով, և սա չնայած նրան, որ անձնակազմը մեկնարկել է պելոտոնի ամենավերջից. երկրորդ մարզման ժամանակ թիմի ավտոմեքենան վթարի էր ենթարկվել և բաց թողել որակավորման փուլը։


Մրցավազքը մեկնարկել է անձրևային պայմաններում, և դա անմիջապես մի շարք միջադեպերի է հանգեցրել առաջին շրջաններում, իսկ վթարի ենթարկված մի քանի անձնակազմեր կա՛մ վերադարձել են բոքսեր՝ վերանորոգման համար, կա՛մ ընդհանրապես չեն կարողացել շարունակել մրցավազքը։


GT3 կատեգորիայում առաջատարության համար պայքարը բավականին լարված է եղել. չորսժամյա մրցավազքի սկզբում Getspeed թիմի Mercedes AMG GT# #9-ը ստիպված է եղել պայքարել մեկ այլ Mercedes-ի՝ 2Seas Motorsport #33 թիմի հետ։ Արշավորդները մի քանի անգամ փոխվել են դիրքերով, քիչ ավելի ուշ պայքարին միջամտել են Ferrari #50-ը և Aston Martin Vantage №70-ը։ Սակայն լուրջ վթարից հետո Aston Martin-ը դուրս է մնացել մրցավազքից, իսկ Ferrari-ն հետ է մղվել։

Եզրագծին հասնելուց 15 րոպե առաջ ուժեղացած անձրևի պատճառով մրցուղի է դուրս եկել անվտանգության մեքենան։ Այդ պահին պելոտոնը գլխավորում էր Aston Martin #27-ը։ Եզրագծից քիչ առաջ վերամեկնարկի ժամանակ եզրափակիչ պոկումով նրան կարողացել են շրջանցել Mercedes-AMG №7 Petrolife-ը, իսկ այնուհետև նաև մեկ այլ Mercedes՝ Team Qatar by Iron Lynx #62-ը, որը որոշ ժամանակ անց դարձել է մրցավազքի առաջատարը։ Get Speed-ն ավարտել է մարաթոնը երկրորդ տեղում, իսկ եզրագծին երրորդը հասել է Craft-Bamboo Iron Lynx թիմի Mercedes #88-ը։


Արդեն եզրագծից հետո GetSpeed #9 անձնակազմը տուգանք է ստացել, որը նրան զրկել է պատվո հարթակից, սակայն դա էլ չի խանգարել գերմանական արտադրողի տոտալ գերիշխանությանը. երրորդ աստիճանին է բարձրացել 2Seas Motorsports-ի Mercedes #46-ը, որը վանդակավոր դրոշի ներքո զբաղեցնում էր չորրորդ տեղը։


«Ուղևորությունը Ֆրանսիա կարելի է համեմատել լավագույն կինոֆիլմի հետ», — իրենց սոցցանցերում գրել են Qatar Iron Lynx-ից։ — «Դա էմոցիաների անընդհատ փոփոխություն էր, ծանր փորձություններ և անհավանական հաղթանակ՝ մեկնարկային ցանցի վերջից մեկնարկելուց հետո։ Այսօր մենք հաղթեցինք և կարող ենք լիովին հպարտանալ մեր հաղթանակով»։
2026/27 մրցաշրջանի Լե Մանի ասիական մրցարշավային շարքի երկրորդ փուլը տեղի կունենա կիրակի՝ նոյեմբերի 15-ին, ժամը 13:15-ին։

  • Մեկնաբանություններ չկան

Ավելացնել մեկնաբանություն


Օգտակար և արդիական հոդվածներ ու նորություններ ստանալու համար ԲԱԺԱՆՈՐԴԱԳՐՎԵՔ մեր տեղեկագրին՝ լրացնելով ստորև բերված դաշտերը↓