Անցյալ հանգստյան օրերին կայացավ GT World Challenge Europe թափքային առաջնության մրցաշրջանի եզրափակիչը։
Պորտիմանում կայացած եռաժամյա մրցավազքը RAVENOL-ի տեխնոլոգիական գործընկեր Mercedes-ին բերեց հաղթանակների և գավաթների ողջ սպեկտրը՝ մրցավազքում տարած հաղթանակից մինչև բացարձակ հաշվարկի տիտղոս, ինչպես նաև թիմային և անհատական տիտղոսներ դիմացկունության մրցավազքի գավաթում։
Մրցավազքի հաղթող դարձավ Mercedes-AMG GetSpeed թիմը, որի համար պորտուգալական Ալգարվե ավտոդրոմում տարած հաղթանակն առաջինն էր այս մրցաշրջանում, սակայն RAVENOL տեխնոլոգիական հեղուկներով լիցքավորված ավտոմեքենաներով մրցավազքերին մասնակցող Mercedes արտադրողի համար՝ արդեն 12-րդը վերջին մի քանի տարիների ընթացքում։
Նաև հաղթանակ՝ բայց արդեն Bronze Cup հաշվարկում, բերեց 2 Seas Motorsport թիմը, որը հանդես էր գալիս 222 համարի Mercedes-AMG-ով։
Նույն այդ փուլում GT World Challenge Europe առաջնությունում իր նորամուտը նշեց նաև Ֆորմուլա 1-ի քառակի չեմպիոն Մաքս Ֆերստապենը։ Իր առաջին մրցավազքի համար նա ընտրեց Mercedes-AMG Team Verstappen Racing թիմի՝ նույնպես RAVENOL-ով լիցքավորված №3 Mercedes AMG GT3 ավտոմեքենան։
Ֆերստապենն իր եզրափակիչ հատվածը սկսեց 24-րդ դիրքից, սակայն 40 րոպեում կարողացավ կատարել 15 վազանց՝ կարողանալով եզրագիծը հատել բացարձակ հաշվարկի իններորդ տեղում։
Այնուամենայնիվ, օրվա գլխավոր հերոսները դարձան Winward Racing թիմը և նրա արշավորդներ Մարո Էնգելը (Maro Engel) և Լուկաս Աուերը (Lucas Auer), ովքեր նվաճեցին անհատական և թիմային տիտղոս ոչ միայն դիմացկունության մրցավազքի գավաթում, այլև այս մրցաշրջանի առաջնության բացարձակ հաշվարկում։
«Այս գավաթների հետևում թաքնված են բոքսերում անցկացրած անհամար ժամերը, փիթ-ուոլում վայրկյանի մասնիկների ընթացքում կայացված որոշումները, հարյուրավոր մարզումները և մի ամբողջ թիմ, որն իր ողջ ուժը մինչև վերջին կաթիլը տալիս է այս գործին», — գրել է Մարո Էնգելն իր սոցցանցերում։ — «Հաղթանակներ, անհաջողություններ, երկար գիշերներ և պահեր, որոնք մենք երբեք չենք մոռանա. մենք դրանց միջով անցանք միասին։ Եվ հենց դա է մեր տիտղոսներն այդքան առանձնահատուկ դարձնում։ Դրանք պատկանում են յուրաքանչյուր անհատի, ով հնարավոր դարձրեց այս մրցաշրջանը։ Մեր արշավորդներին, թիմին, գործընկերներին և բոլոր նրանց, ովքեր կանգնած են մեր հաղթանակների հետևում. շնորհակալություն անհավանական մրցաշրջանի համար»։
0 մեկնաբանություն